War qoraal ah oo ka soo baxay xafiiska Madaxweynaha maamulka Hirshabeelle Maxamed Cabdi Waare ayaa waxaa shaqada looga joojiyay Wasiiru dowlihii Wasaaradda Dastuurka Hirshabeelle Saadaq Mukhtaar Cabdulle.
Xildhibaan Saadaq Mukhtaar oo ahaa Wasiiru dowlihii Dastuurka Hirshabeelle ayaa lagu eedeeyay inuu jebiyay amar kasoo baxay Madaxweynaha maamulka Hirshabelle Maxamed Cabdi Waare, kaasi oo ahaa aan la isugu imaan karin goobaha ay dadweynaha ku kulmaan.
Qoraalka ayaa lagu sheegay in wasiiru dowlihii wasaarada dastuurka uu shalay qeyb galay Munaasabad ka dhacday magaalada Jowhar, xili Madaxweyne Waare uu amar ku bixiyay in dadka isugu yimaadan Munaasabadaha, si uusan faafin Cudurka Covid 19.
